Хэн нэгэн таныг бохир мөнгөтэй байна уу үгүй юу шалгахгүй учир та заавал мөнгөө угаах шаардлагаггүй. Та хаанаас ч, хэнээс ч хэдэн төгрөг олсон хэнд ч тайлагнах шаардлагаггүй.
Таныг зүгээр л хүмүүс "Аан, энэ чинь нөгөө тийм дарга", эсвэл "тендерийн коммиссын гишүүн" гэх мэтээр хэлж, тэгэлгүй яахав дээ гэж ойлгоцгооно. Энэ одоо манай нийгмийн нэгэн байх ёстой зүйлүүдийн нэг.
Гэхдээ саяхан нэг телевизийн реклам харлаа. Тэнд хүү нь ааваасаа "Та энэ машиныг цалингаараа авсан уу" гэж асуух юм. Тэрийг харсан та, хэзээ надаас хүү минь ингэж асуух болоо гэсэн бодол төрсөн гэж найдах юм. Энэ реклам сүржин нэртэй даржин байгууллагын захиалгаар гарсан гэсэн. Гэвч нөгөөдүүлд нэгийг бодогдуулсан байх хэмээн найдмаар.
Бидний мэдэх өндөр хөгжилтэй оронд, аливаа хүний бүхий л мэдээлэл нэгэн цогц системд бүртгэгдэн байдаг учир хэн хэзээ хаана ямар орлого олж, ямар зарлага гаргасан нь тодорхой, энэ тохиолдолд тэнд заавал бохир мөнгийг угаах шаардлага гардаг байна. Эс бөгөөс, түүнийг хаанаас ийм орлого олсоныг тайлбарлахыг шаардах болно.
Тухайн хүн тус нийгмийн нэгэн бүрэлдэхүүн, гишүүн бөгөөд бүхий харилцаа нь зөв, үнэн байлгахыг төр биш нийгэм нь өөрөө шаардах юм.
No comments:
Post a Comment